معلومات مهمة عن قير الفورد

22 5

لايمكنك التصويت حتى الحصول على 20 نقطة على الأقل
إضغط هنا للإخفاء

mercy_sa 1080
قبل 6 سنه و 7 شهر

السلام عليكم ورحمة الله وبركاته

اليوم بتكلم عن كل شي يخص قير الفوردات
راح اقسمها الى فقرات طبعا بختصر لان الموضوع يطول فيه الشرح

1-التعشيق اليدوي
2-الزيوت
3-أمور لازم تنتبه لها اثناء تغير الزيت
4-التعشيق الاجباري

التعشيق اليدوي //

الانتقال بين التروس اثناء الحركة مسموح فيه وشخصيا جربتها على سيارتي ولا صار شي

طبعا مذكورة في الكتالوج انه عادي ما يحتاج توقف عشق وانت ماشي ولو تلاحظ ان عصى القير تطلع معك من 1 الى d بسلاسة
النمرة 1 / 0 - 100
النمرة 2 / 100 - 160
اهم شي لا تخلي عداد الضغظ يوصل للاحمر والطريقة تنفع للمقاومات او اذا تحتاج عزم كبير

الزيوت //

قبل كل شي طلع معيار الزيت و تحصل في نهاية المعيار نوع الزيت المناسب لسيارتك
MERCON V او MERCON LV
أو تحصل أحد الرموز V , LV

من 98 - 2008 نوع الزيت MERCON V
ومن 2009 - 2011 نوع الزيت MERCON LV
كلها مذكورة في الكتالوج

للأسف في الانترنت لقيت أخطاء كبيرة وخاصة اللي يقولون
من 98 - 2002 نوع الزيت هو type m
وانا شخصيا قريت الكتالوج ومكتوب mercon V

أمور لازم تنتبه لها اثناء تغير الزيت //

1- تغيرالفلتر
2- تغير وجه للكارتير
3-تنظف المغناطيس الموجود في الكارتير
4- تشيل الجلدة الي موجودة مكان تركيب الفلتر القديم لانها تجي مع الفلتر الجديد

التعشيق الاجباري //

هو الانتقال للأسفل والسيارة ماشية مسموح به في السرعات المعقولة
مثلا ماشي 100 ونقلته لثاني ماراح يضر

ولكن شخصيا ما افضل تسويها لانها تستخدم للفرملة او للوقوف الاجباري

مقطع فيديو للمحترف تكلم عن التعشيق اليدوي والاجباري
https://youtu.be/9bGqP-G8Ncw

انشاء الله أكون وفقت في كلامي

____________________________________________________

استغفر الله العظيم الذي لا إله إلا هو الحي القيوم وأتوب إليه
سبحان الله وبحمده سبحان الله العظيم

لا تنسونا من دعواتكم ...

إبلاغ

الردود